A la cuppa Spengler sto il Club da hockey da Tavau desister da 10 giugaders. Tschintg giugaders èn blessads, numnadamain Dick Axelsson, Marcus Paulsson, Noah Schneeberger, Dario Simion e sco i para er Gregory Sciaroni.
Latiers mancan tschintg ulteriurs giugaders perquai ch'els giogan durant quest temp al campiunadi mundial U20. Quai èn Fabian Heldner, Simon Kindschi, Chris Egli, Marco Forrer e Tino Kessler.
Tut ils 10 giugaders mancan er al HCD per ils dus davos gieus da campiunadi avant las festas da Nadal, quai encunter Genevra Servette ed il HC Lugano.
