Legenda:
Ils gieus cuntinueschan
senza Belinda Bencic.
Keystone
cuntegn
Naziunal/Internaziunal - Guardar empè da giugar - French Open senza Bencic
Belinda Bencic ha stuì annullar sia participaziun al French Open. La Svizra da 19 onns patescha dapi dus mais da mal il dies. En consequenza ha Bencic tranter auter er manchentà l’avrigl il Fedcup a Lucerna.
Il mars era Bencic sa blessada al dies sut durant il turnier ad Indian Wells. La blessura n’è para anc betg meglierada avunda per ina participaziun al French Open.
Ses ultim gieu ha ella dà l'entschatta avrigl a Charleston. Là aveva ella giugà cunter Jelena Wesnina e cleramain pers la partida.
Malgrà che Bencic ha mancà als turniers a Madrid e Roma è ella anc adina il numer 8 da la rangaziun da WTA - ed uschia la meglra Svizra.
