Sin il lung traject final fitg stip ha Spilak distanzià ses concurrents in suenter l'auter. Var 10 kilometers avant l’arrivada è restà mo anc in trio: Simon Spilak, ses gidanter Rein Taaramae da l’Estonia e l’American Joe Dombrowski. La finala ha il ciclist da 30 onns era laschà davos el quels dus, ed è arriva solo sisum al pe dal glatscher Tiefenbach.
Pozzovivo be in di a la testa
Era l’emprim dal classament general suenter l’arrivada a La Punt, il Talian Domenico Pozzovivo n'a betg pudì suandar. 13 kilometers avant l’arrivada ha el stuì laschar rumper giu, la finala han Pozzovivo ed il Svizzer Mathias Frank pers 2 minutas e 40 secundas sin Spilak.
Spilak cun bunas cartas
En il classament general è Simon Spilak avant las duas etappas a Schaffusa uss 52 secundas avant il Talian Damiano Caruso. Terz cun in retard da pauc sur ina minuta è Steven Kruijswijk dals Pajais Bass. Mathias Frank è 2:51 minutas enavos sin plazza 6.
RR novitads 18:00