Durant il public viewing è ina part da las radund 30’000 persunas sin ina plazza centrala a Turin tuttenina currida davent. Blers sajan cupitgads u vegnids stratgs enturn en la fulla, rapporta l’agentura da novitads Ansa. Las blessuras levas dals blers sajan cunzunt levas contusiuns e tagliadas. Pliras persunas hajan dentant blessuras pli grevas, tranter quellas era in uffant.
Raschun da la panica betg clera
Il president da la polizia da Turin a declerà ch’in ferm plum pudess avair chaschunà la panica. La gasetta “La Stampa” da Turin rapporta da barrieras dadas per terra. La panica è succedida suenter il terz gol per Real Madrid.
RR novitads 06:00