La decisiun en il classament da disciplina è crudada en la davosa cursa. Quai en favur da l'Austriaca Eva-Maria Brem ch'è vegnida quarta a San Murezzan. Quest resultat ha tanschì per batter Viktoria Rebensburg per mo dus puncts.
La Svizra Lara Gut ha cuntanschì in'ulteriura plazza da podest. Ella è vegnida terza davos la Tudestga Viktoria Rebensburg e la Franzosa Taina Barioz. Per Gut è quai stà il 13avel plaz da podest en questa stagiun.
Nagins puncts en la davosa cursa hai dà per las ulteriuras Svizras. Wendy Holdener è vegnida 22avla, Jasmina Suter 23avla.
RR novitads 14:00