Pajar per eveniments da sport n'è nagut nunusità ozendi. Nagut perda uschè bler da la fascinaziun sco il sport, sch'ins na guarda el betg live. Perquai na fai betg surstà, ch'ins sto pajar per bler sport live. Tenor Andrea Schocher, docent da Sports Management a la Scol'auta da tecnica ed economia a Cuira, ston blers pir anc sa disar vi da questa situaziun.
Pay-TV en Svizra
Las purschidas per Pay-TV da sport en Svizra
- Teleclub
Purschida principala:
Teleclub è l'emettur per ils fans dal ballape svizzer. Els mussan tut ils gieus da la Super League. Plinavant è er il ballape talian fitg preschent tar l'emettur che tutga tar la Swisscom. Dapi la stagiun 2018/19 è Teleclub era l'emettur che mussa tut ils gieus da la Champions League e da la Europa League.
Custs: Minimum 30 francs per mais (tut tenor tge pachet ch'ins cumpra)
- Mysports
Purschida principala:
Per ils fans dal hockey svizzer è Mysports l'emettur ch'i dovra. I vegn mussà tut ils gieus da la National League. Plinavant er blers gieus dal hockey russ e svedais.
Ultra da quai ha Mysports era il dretg da mussar almain in gieu da la Bundesliga per emna.
Custs: 25 francs per mais
- DAZN
Purschida principala:
Tenor stan actual è DAZN oravant tut insatge per fans da ballape da la Premier League (liga englaisa) e da La Liga (liga spagnola). Plinavant porscha DAZN era bler sport american (baseball, american football, ballabasket).
Adatg: Davent da la stagiun 2019/20 n'ha DAZN betg pli ils dretgs per la Premier League.
Custs: 12.90 francs per mais
- Sky Sport
Purschida principala:
Sky Sport è ideal, sch'ins è fan dal ballape tudestg. Els mussan tut ils gieus dalla 1. e 2. Bundesliga. E davent da la stagiun 2019/20 è Sky er l'emettur che ha il dretg da mussar l'emprima liga da ballape englaisa (Premier League).
Custs: 19.90 francs per mais
stan: 23-03-2019
RR Sportissimo 17:00