Ils hockeyans da la Lettonia èn sa reabilitads per la clera terrada en il gieu d'avertura da la Cuppa Spengler encunter la Svizra. Dinamo Riga batta ils Finlandais da Hämeenlinna cun 4:3 suenter prolungaziun. Il capitani dal club da la KHL, Miks Indrasis, ha decidì il gieu suenter 65 secundas da la prolungaziun.
Era sche Dinamo Riga gudogna uschia dus puncts, na po l'equipa betg pli vegnir emprima da la gruppa. Per cuntanscher il mezfinal da la Cuppa Spengler ston ils Lettons uss ir venderdi en la qualificaziun. La naziunala svizra dovra en ses proxim gieu uss almain in punct per vegnir emprim da la gruppa.