Belinda Bencic ha gudagnà cunter la Russa Jekaterina Makarowa en trais sets cun 6:0, 2:6 e 6:4. Suenter in fitg bun start ha Bencic gì grondas difficultads en il segund set. En il terz set decisiv ha ella realisà il segund break e cun quai gudagnà il gieu. Las schanzas da cuntanscher per la sisavla gia il final dal turnier da WTA en la metropola australiana èn intactas. La proxima adversaria da Bencic è il numer 94 dal mund, Monica Puig dal Puerto Rico.
RR novitads 14:00