Roger Federer ha gudagnà il turnier da Dubai. Igl è il 100avel titel per il Svizzer. En il final ha el battì il Grec Stefanos Tsitsipas cun 6:4 e 6:4.
Avant Federer hai dà be in giugader da tennis che aveva gudagnà 100 titels. Quai è stà l'American Jimmy Connors. El aveva rimnà dal 1972 fin il 1989 en tut 109 titels. Ses ultim è stà a Tel Aviv cun 37 onns, uschè vegl sco quai che Roger Federer è uss. Ses ultim turnier da profis ha Connors dà cun 43 onns.
RR novitads 18:00
