La squadra naziunala svizra ha piz a cup manchentà trais puncts cunter la Spagna en la Nations League. A Lucerna han els giugà pari 1:1.
Freuler ha fatg en la 26avla minuta igl 1:0 per la Svizra. Pir en la 89avla minuta è reussì a Gerard igl 1:1. Ordavant aveva il goli dals Svizzers, Yann Sommer parì dus penaltis dal capitani dals Spagnols, Sergio Ramos.
Uschia ha la Svizra anc vinavant schanzas da restar en la Liga A. Sco proxim frunta ella mardi sin l'Ucraina.
