Vital Albin ha persvadì a la quarta cursa dal Swiss Bike Cup a Savognin. Il mountainbiker da Tersnaus è vegnì segund en la cursa dals umens d‘elita. Sin il victur, il Svizzer Lars Forster, ha Albin pers 40 secundas.
Cumplettà il podest sco terz ha Andri Frischknecht. Ina buna prestaziun han er ils ulteriurs Sursilvans mussà. Andrin Beeli da Sagogn è vegnì 8avel ed Ursin Spescha da Sevgein 13avel. Betg stà a la partenza èn tranter auter Nino Schurter e Mathias Flückiger.
Tar las dunnas d‘elita ha triumfà l‘Americana Kate Courtney, avant la Svizra Alessandra Keller e Yana Belomoina da l‘Ucraina. La proxima cursa dal Swiss Bike Cup è mez avust a Basilea.
La primavaira ha il Telesguard visità Vital Albin:
