En ils quatter gieus sut il trenader Heiko Vogel n’ha il FC Basilea betg mo fatg insumma nagin punct, mabain era nagin gol. Uschia è il club crudà en la Super League sin il davos plaz da la tabella. Ed il retard sin il segund davos Lausanne-Ouchy munta a tschintg puncts.
Per Fabio Celestini è il FCB gia la tschintgavla staziun sco trenader en Svizra – suenter Lausanne-Sport, Lugano, Lucerna e Sion. En il Vallais ha Celestini stuì bandunar il post da trenader suenter sulet sis gieus da campiunadi, cun dus puncts recaltgads. Celestini ha 48 onns ed ha dà pli baud en l’equipa naziunala svizra.
