Suenter las emprimas etappas a Toblach en il Tirol dal Sid fa il Tour de Ski ina fermada a Tavau. La mesemna saira spetgan ils sprints da notg, gievgia mintgamai 20 kilometers persecuziun per dunnas ed umens.
Dasper Nadine Fähndrich e Beda Klee, che porschan quest onn fermas prestaziuns, vegn spetgà l'Americana Jessica Diggins ed il Norvegiais Halard Östberg Amundsen ch'èn a la testa dal Tour da quest onn. Il victur da l'onn passà Johannes Hösflot Kläbo manca quest onn pervia d'ina malsogna.
Per l'emprima giada na maina il percurs a Tavau tant en la val dal Flüela, sco era en il Dischmatal, scriva Davos Nordic en ina communicaziun a las medias.