Pir avant set dis ha Max Verstappen festivà ses 26avel anniversari, ussa dastga el sa numnar traidubel campiun mundial. L'Ollandais s'annunzia cun quai en ina runda illustrada: dasper Michael Schumacher, Lewis Hamilton, Juan Manuel Fangio e Sebastian Vettel è el pir il 5avel pilot che ha dumagnà quai senza interrupziun.
Il pli giuven triumf dal pilot da Red-Bull è ses pli impressiunant fin uss. L'onn 2021 aveva el anc battì a moda spectaculara l'anteriur dominatur Hamilton en in final da la stagiun. Il 2022 ha el cumenzà en gir suenter la partenza retardada da la stagiun (en 2 da 3 cursas senza puncts) e laschà s'avischinar pli da nagin.
Mo questa stagiun ha Verstappen anc ina giada augmentà ses nivel. Mo in patzer en ina stagiun senza macla. El è stà a la testa fin l'emprima cursa da la stagiun a Bahrain ed è restà là cun constanza tementanta. L'Ollandais che è vegnì renconuschì baud da ses bab ed ex-currider Jos Verstappen sco campiun ha lura fat 12 da 15 victorias pussaivlas. Da Miami fin Monza ha el gì 10 success incredibels e distatgà Sebastian Vettel sco possessur da record.