Emprim gieu da la stagiun – emprima terrada per il Club da Hockey da Tavau. Ordaifer ha il HCD pers cunter Genevra-Servette cun 2:3 suenter sajettar penaltis. Suenter 23 minutas era Tavau cun 0:2 en retard, ha dentant pudì egualisar, ma Praplan da Genevra è stà il sulet giugader ch'ha tuc en la lutga da penaltis.
Tavau ha uschia gia pers per la sisavla giada en seria l’emprima partida da la nova stagiun da la National League.
Questa saira frunta il HCD a chasa sin Losanna.
Las ulteriuras partidas
- Berna perda cunter Zug cun 1:2 suenter prolungaziun
- Fribourg-Gottéron perda cunter Ambri Piotta cun 1:2 suenter prolungaziun.
- Losanna perda cunter Bienna cun 2:3
- Lugano batta Ajoie cun 1:0.
- Ils SCL-Tigers gudognan cunter ils ZSC Lions 2:1 suenter prolungaziun.
