Il club da hockey da Tavau ha gudagnà la partida ordaifer cunter Berna cun 4:2. Suenter l'emprim terz era Tavau anc en retard cun 0:2. Durant il segund terz ha il HCD lura fatg trais gols. Sajettà quels han Nordström en la 25avla, Bristedt en la 35avla ed Egli en la 40avla minuta. Els han uschia pudì volver la partida.
En il davos terz, vul dir en la 60avla minuta ha Ambühl lura anc sajettà il quart gol per Tavau.
En la tabella po Tavau sa meglierar, grazia als trais puncts da quest gieu, davent da plaz 6 sin plaz 5.
Il proxim gieu tranter il HCD e l'SC Berna ha lieu dumengia en il stadion a Tavau.
Las ulteriuras partidas da questa saira
- Ajoie – Rapperswil Jona 1:4
- Ambri-Piotta – Kloten 2:3
- Bienna – Servette 2:3 suenter prolungaziun
- Losanna – SCL Tigers 5:0
- Lugano – ZSC Lions 2:1
- Zug – Fribourg-Gottéron 5:3
