Gist la squadra ch'è vegnida promovida l'onn passà ed è l'ultim da la tabella dumogna da batter il leader, il Club da hockey da Tavau. E quai gist cun 3:1. Bain ha il Club grischun dumagnà da far l'emprim gol, dentant n'han els betg pudì engrondir lur avantatg. Ajoie ha nizzegià quella flaivlezza ed ha lura sajettà anc trais gols.
Malgrà la terrada resta quai la segunda terrada en 14 gieus dal HCD. Tavau resta uschia vinavant al chau da la tabella.
Resultats da las ulteriuras partidas
- Friburg – SCL Tigers 4:3
- Genevra – EV Zug3:4 suenter prolungaziun
- Lakers – SC Berna 2:3
- Lugano – Ambri-Piotta 5:2