La proxima stagiun d'enviern datti era cursas da la cuppa mundiala da passlung en l'Engiadina. Quai resulta dal chalender provisoric da la Federaziun internaziunala da skis FIS.
Las cursas en l'Engiadina èn planisadas la fin da schaner. I duai dar staffettas maschadadas, sprints e cursas cun partenza singula. Il december èn planisadas sco usità las cursas tradiziunalas da la cuppa mundiala a Tavau. Ultra da quai publitgescha la FIS ch'il Tour de Ski na vegnia betg pli a sa fermar en il Grischun la proxima stagiun. Tut las etappas dal Tour de Ski han lieu en l'Italia, a Toblach e Val di Fiemme.
Il schaner 2024 è il Tour de Ski stà a Tavau:
video
Ils Svizzers han manchentà il final dal sprint a Tavau
Or da Sport-Clip dals 03.01.2024.
laschar ir. Durada: 52 Secundas.