Stan Wawrinka ha pers la partida da quartfinal cunter il Spagnol Roberto Bautista Agut cun 5:7 e 6:7. La partida ha cuzzà radund duas uras. Suenter il success als Swiss Indoors vegn Stan Wawrinka a sa meglierar en la glista da rangaziun mundiala. Davent dal numer 194 vegn el a far il pass en la regiun da posiziun 150.
Il proxim adversari da Bautista Agut, en il mezfinal è u il Danais Holger Rune u il Franzos Arthur Rinderknech. L'auter mezfinal è Carlo Alcaraz cunter Felix Auger-Aliassime.
Riedi e Kym èn crudads ora
Per il duo svizzer Leandro Riedi e Jerome Kym munta il quartfinal al Swiss Indoors staziun finala. Ils dus giuvens han pers la partida cunter il duo franzos cun Nicolas Mahut ed Edourard Roger-Vasselin cun 6:2, 4:6 e 3:10. Cumenzà aveva la partida optimal per ils Svizzers. Quai gist cun dus breaks. Pli ditg che la partida è ida e pli ferms ch'ils Franzos èn però vegnids.
Als Swiss Indoors a Basilea è ussa nagin Svizzer u Svizra pli da la partida.
