Il HCD ha incassà ina terrada suenter l'autra. La quarta en seria venderdi saira a chasa cunter ils SCL Tigers cun 1:3. Uss, cun la victoria encunter Ajoie, han ils da Tavau dumagnà dad interrumper questa seria. Cun gist 5:3 han els battì il club da la Svizra franzosa. Dentant èn ils da Tavau er cleramain stads ils favurits encunter il club a la cua da la tabella. Tavau è uss puspè sa cumbattì sin plazza 6 da la tabella.
L'emprim terz dal gieu èsi stà pulit gulivà. Bain ha Tavau sajettà ils emprims dus gols, ma Ajoie n'ha betg spetgà memia ditg per gulivar sin 2:2.
En il segund terz è lura Ajoie schizunt ì en avantatg cun il 3:2. Ma la reacziun è suandada cun Nordström e Nygren che han egualisà e lura fatg il 3.4.
En l'ultim terz n'han ils da Tavau lura betg pli laschà prender la victoria ed han fatg anc il 5avel gol.
