Max Verstappen ha gudagnà il Grond Premi da la China a Schanghai. Quai avant Lando Norris en McLaren, e ses collega da squadra tar Red Bull, Sergio Perez. Verstappen è partì da la pole-position, ed ha sulettamain ina giada pervi d'in stop a la boxa stuì laschar passar Norris. En runda 20 è el lura puspè sa mess al timun, ed ha realisà ina victoria suverana en la quarta cursa da la stagiun.
La squadra da Sauber sto vinavant spetgar sin ils emprims puncts da questa stagiun. Il matador local Guanyu Zhou è daventà 14avel, e Valtteri Bottas è crudà or en la 19avla runda pervi d'in defect dal motor.
Sco proxim sa ferma il circus da la furmla 1 en duas emnas a Miami, Florida en ils Stadis Unids.
