Max Verstappen n'è betg da franar questa stagiun. L'Ollandais en Red Bull ha era gudagnà il Grond Premi da notg a Las Vegas e po uschia festivar la 18avla victoria en la 21avla cursa da la stagiun – sia 53avla victoria da la carriera.
Sin il segund plaz suonda Charles Leclerc en Ferrari avant Sergio Perez medemamain en Red Bull. Grazia a ses terz plaz en la penultima cursa èsi era cler, che Perez daventa vice-campiun. Nagins puncts n'hai dà per la squadra dad Alfa-Sauber.