Ina clera victoria gartegia a Max Verstappen en ses Red Bull, tar sia cursa da chasa da la furmla 1 a Zandvoort en ils Pajais Bass. Verstappen gudogna avant Lewis Hamilton e Valtteri Bottas cun lur Mercedes. Cunquai surpiglia il Neerlandais era puspè la testa dal classement general. Quai cun trais puncts avantatg sin Hamilton.
Antonio Giovinazzi ch'è partì da posiziun 7 cun ses Alfa-Romeo, ha spert pers trais plazs, ed er anc gì discletg. La finala resulta rang 14. Robert Kubica daventa 15avel.