L'organisaziun a Paris annunzia che Roger Federer declera forfait per l'otgavel final. El na vegn betg a giugar glindesdi cunter Matteo Berrettini da l'Italia. El stoppia tadlar sin ses corp, ha declerà il Svizzer da 39 onns. Gia suenter il gieu da la terza runda che Federer ha gudagnà suenter passa 3 uras e mez cunter il Tudestg Dominik Koepfer ha el laschà avert, sch'el dettia insumma ses otgavel final.
Ses focus metta il Svizzer sin la stagiun da pastg e sin Wimbledon. Il terz Grand Slam da l'onn è dals 28 da zercladur fin ils 11 da fanadur.
Federer en l'otgavel final
Roger Federer ha gudagnà la terza runda dal Grand Slam encunter il tudestg Dominik Koepfer. Quai suenter passa 3 uras e mez cun 7:6, 6:7 e 7:5.
Damaun glindesdi frunta Federer uschia sin il numer 9 dal mund, il talian Matteo Berrenttini. Ils dus duels da fin ussa ha il Svizzer gudagnà.