En la Challenge League ha Vaduz gudagnà cunter Neuchâtel Xamax cun 5:3. Il giugader lumnezian tar Vaduz Fabrizio Cavegn ha sajettà 2 gols. En l'entira stagiun ha Cavegn gia tutgà 6 giadas per Vaduz e plinavant dà 3 assists.
Per il FC Vaduz èsi l'emprima victoria en la Challenge League dapi 12 gieus. L'entschatta da la partida cun blers gols ha Dejan Djokic fatg, e tutgà duas giadas entaifer las emprimas 17 minutas. Cavegn ha procurà per il 3:0 anc en l'emprima mesadad.
Curt suenter la pausa ha Cavegn tutgà in'ulteriura giada. Fabio Fehr ha augmentà sin 5:0. Pir suenter è Xamax vegnì tar sias schanzas e tar ils gols. Vaduz è uschia da nov sin plazza 8 da la tabella cun quatter puncts avantatg sin il davos da la tabella, Schaffusa.