Il president dal club da ballape da Basilea, Bernhard Burgener, sa retira da ses uffizi. Tar la radunanza da delegads dal november che vegn, na stat Burgener betg pli a disposiziun sco president dal FCB. Quai è da leger en in'intervista publitgada sin la pagina d'internet dal club. El resta dentant possessur dal club, cun avair la maioritad da las aczias.
La finamira saja d'avair ina suprastanza independenta, di Burgener en l'intervista. La critica publica co ch'il club è vegnì manà il davos temp, n'haja betg influenzà la decisiun.