Fans - Svizra festivescha victoria istorica

Cura che ses congiugaders giubilants èn gia currids envers la curva da fans svizzers en il stadion è Granit Xhaka, il capitani, sa decidì per la direcziun cuntraria. Si'emprima via ha manà el en la bratscha da Vladimir Petkovic. «Nus avain scrit istorgia» ha ditg Xhaka pli tard, suenter la victoria sensaziunala en sajettar penaltis cunter la Frantscha. Er il goli Yann Sommer ha ditg ch'el stettia anc in zic sper sai.

En l'entira Svizra han ils fans festivà la victoria istorica da l'equipa naziunala svizra. In fan grischun che ha medemamain pattì e selegrà cun la Svizra è Luzi Dermont. El gioga sez ballape ed è atgnamain er fan da l'equipa naziunala da la Frantscha. En discurs cun Livio Foffa ha el raquinta da sia saira emoziunala.

Ed exemplaric per las emoziuns e la gnerva da tut ils fans da ballape stat era quest fan qua:

La Svizra festivescha sia victoria

Ed er en la patria giubileschan las medias. «Sommer hext die Nati in den EM-Final» scriva per exempel il Blick. La Neue Zürcher Zeitung numna la notg ina da las pli memorablas en l'istorgia da ballape svizra.