La Svizra cumbatta oz per vegnir en l'otgavelfinal da l'EURO 2020. En ils emprims dus gieus encunter la Valisa e l'Italia n'ha la Svizra betg pudì persvader. Sche l'equipa vul far il pass en la proxima runda sto ella gudagnar il gieu encunter la Tirchia.
Grondas speranzas
La equipa saja pronta, di il goli da la naziunala svizra Yann Sommer. Era sch'il squitsch saja gronds. Blers giugaders dettian gia dapi onns ensemen. Ins sappia da tge ch'ins saja capabels.
Il gieu da la Svizra encunter la Tirchia ha lieu oz a las 18:00. Era RTR emetta adina puspè live en l'emissiun. A partir da las 17:00 enfin las 21:00.
