La Cuppa Spengler 2020, ch'ins ha stuì annullar pervi da la pandemia da corona, ha lieu quest onn en furma d'in turnier dad e-sports. Concret po mintgin che ha ina consola da gieus PS4 ed il gieu da computer EA Sports NHL21 sa participar. Quai han decis il comité d'organisaziun da la Cuppa Spengler ensemen cun ils sponsurs.
Dals 14 enfin ils 16 da december datti turniers da qualificaziun online ed il grond final è lura ils 26 da december. Il victur da l'emprima e-Cuppa Spengler survegn 6-milli francs, il segund 2'500 ed il terz 1'500 francs.
Ord l'archiv da SRF: