Duel tranter Federer e Nadal - In ulteriur gieu per l'istorgia?
Igl è il duel tranter duas legendas dal sport da tennis: Federer che ha gudagnà 20 titels da Grand Slam cunter Nadal, che ha gudagnà 18 titels da Grand Slam. En il mezfinal da Wimbledon dastg'ins spetgar ina ulteriura battaglia tranter las duas legendas.
1 / 2
Legenda:
Final a Wimbledon 2008
Ina da las pli diras terradas en la carriera da Roger Federer.
Keystone
2 / 2
Legenda:
Duas giadas ha Federer pudì triumfar en il final da Wimbledon cunter ses rival.
Keystone
En ils duels directs maina Rafael Nadal cun 24:15. 14 da questas victorias ha il Spagnol dentant gudagnà sin sia surfatscha preferida - sin sablun. Sin pastg hai pir dà 3 giadas il duel tranter Federer e Nadal. Il 2006 e 2007 ha Federer triumfà en il final da Wimbledon, il 2008 ha Nadal pudì batter il Svizzer en in gieu che ha bunamain cuzzà 5 uras (6:4, 6:4, 6:7, 6:7, 9:7).
audio
Duel tranter las legendas Federer e Nadal: In ulteriur gieu per l'istorgia?
05:52 min, ord Actualitad dals 12.07.2019.
laschar ir. Durada: 5 minutas 52 Secundas.
La rivalitad en il sport da tennis
En il tennis na datti nagina autra rivalitad che ha ina tala istorgia sco questa tranter Nadal e Federer. Il 2004 hai dà l'emprim duel tranter els e dapi lura hai dà numerusas battaglias legendaras tranter il Svizzer ed il Spagnol. Legendaras èn anc adina il final da Wimbledon 2008, nua che Nadal ha gudagnà, u il final a l'Australian Open 2017, nua che Federer ha gudagnà. Ensemen cun Novak Djokovic han els dominà il sport da tennis durant l'ultim decenni.
Mezfinals a Wimbledon
Avrir la boxSerrar la box
Sco emprim dattan a las 14.00 Novak Djokovic e Roberto Bautista Agut lur mezfinal a Wimbledon. Il gieul tranter Roger Federer e Rafael Nadal cumenza suenter quest gieu, probabel enturn las 16.30.