Vincent Kriechmayr gudogna il davos super-G da la stagiun a Courchevel. L'Austriac gudogna cun in avantatg da 53 tschientavels sin il Svizzer Marco Odermatt. Quel aveva schon tar la cursa rapida da la mesemna fatg avunda puncts per gudagnar la culla gronda. Sin il terz plaz da la cursa dad oz sa tschenta Gino Caviezel, cun in retard da 75 tschientavels.
Ils resultats dals Svizzers:
- 2. Marco Odermatt, +0,53
- 3. Gino Caviezel, +0,75
- 9. Justin Murisier, +1,66
- 10. Beat Feuz e Stefan Rogentin, +1,83
Culla pitschna va a Kilde
Schon avant la cursa era la decisiun davart la culla pitschna fatga. Avant var duas emnas ha il Norvegiais Aleksander Kilde gudagnà la culla il super-G a Kvitfjell e fatg avunda puncts per gudagnar la culla da cristal. En la cursa dad oz è el vegnì quart.