Il podest
- 1. Tessa Worley (FRA) 2:11,38 minutas
- 2. Lara Gut-Behrami (SUI) +0,27
- 3. Marta Bassino (ITA) +0,73
Suenter passa quatter onns arriva Lara Gut-Behrami puspè sin il podest d'in slalom gigant. Tar la cursa a Kronplatz perda la Tessinaisa 27 tschientavels sin l'emprima, la Franzosa Tessa Worley. Rang 3 fa la Taliana Marta Bassino.
La segund meglra Svizra daventa Michelle Gisin. Ella ha dentant gì la schanza d'esser anc pli enavant. Gisin manava suenter l'emprim percurs cun in cler avantatg, e tar il davos temp intermediar dal segund percurs er'ella anc adina pulit davanttiers. Lura ha in sbagl custà bler temp – e quel ha bittà enavos Gisin sin plaz 6.
Las ulteriuras Svizras
- 6. Michelle Gisin +1,32
- 21. Camille Rast +3,81
- 27. Corinne Suter +4,25
- Manchentà la qualificaziun per il segund percurs: Simone Wild (37.), Priska Nufer (39.) e Mélanie Meillard (40.)
- Crudada ora en l'emprim percurs: Wendy Holdener