La Slovaca Petra Vlhova gudogna il slalom a Kranjska Gora la finala cleramain avant la Tudestga Lena Dürr, e la sensaziunala terza AJ Hurt dals Stadis Unids che sa chattava suenter l'emprim percurs anc sin la 16avla plazza. Vlhova po uschia festivar sia terza victoria da la stagiun en il slalom.
- Petra Vlhova (SVK) 1:47,62 minutas
- Lena Dürr (GER) +0,72 secundas
- AJ Hurt (USA) +0,87
Ina prestaziun persvadenta mussa era Camille Rast che va sco meglra Svizra sin rang 4. Michelle Gisin vegn gist anc 10avla cun 1,96 secundas retard, entant che Mélanie Meillard e Nicole Good ston sa cuntentar cun ils rangs 22 e 24.