Suenter ch'il campiunadi mundial a Oberstdorf ha finì per Alexander Bolschunow cun ina terrada en la cursa sur 50 kilometer, mussa il russ ina ferma prestaziun en la cursa sur 15 kilometers en la cuppa mundiala. El gudogna cun in avantatg da 18,4 secundas avant il norvegiais Kläbo.
Dario Cologna finescha la cursa sin plazza 14. En la fasa finala sperda il Grischun il contact tar la gruppa a la testa enturn Bolschunow. En la cursa da persecuziun sur 50 kilometers la dumengia parta Dario Cologna cun in retard da 43 secundas. La cursa ha lieu damaun a partir da las 10:30.
Segund meglier Svizer è Ueli Schnider sin plazza 33. Jonas Baumann finescha sin plazza 40, Jason Rüesch sin plazza 45 e Cedric Steiner sin plazza 49.