En sia cursa da chasa vegn Dario Cologna ferm terz sur ils 15 kilometers stil liber. Il victur è il campiun olimpic dal skiatlon, Simen Hegstad Krüger. Il Norvegiais gudogna suveran cun in avantatg da 19 secundas sin Sergej Ustjugow da la Russia ch'è stà ina secunda pli svelt che Dario Colgona. Per il Grischun èsi l'emprima plazza da podest en la cuppa mundiala dapi il mars 2018.
Jau sper, quai n'era betg il davos plaz da podest en questa stagiun.
Cologna è partì plitost plaun, ha silsuenter dentant augmentà la spertezza e sin ils davos tschintg kilometers è el vegnì anc considerabel pli spert.
Puncts per trais auters Svizzers
En ils puncts sur 15 kilometers skating è era Jonas Baumann currids. El è oz segund meglier Svizzer a Tavau – el è vegnì 22 avel. Puncts hai anc dà per ulteriurs dus Svizzers: Per Beda Klee sco 26avel e Roman Furger sco 28avel.
Cun la plazza 33 ha Toni Livers fatg nagins puncts.
Ils passlunghists svizzers èn tar la glieud
Suenter il Tavau Nordic tira l'expert da passlung ina bilantscha positiva dals passlunghists svizzers. Per il Tour de ski che cumenzà en duas emnas è Iseppi perquai optimistic.
RTR novitads 17:00