En il final dal slalom gigant parallel ha Dario Caviezel, l'um da 26 onns, battì Lee Sangho da la Corea dal Sid, quai per sis tschient-avels. Gia en il mez-final è la decisiun stada fitg stretga. Quel ha Caviezel gudagnà cunter il Talian Ronald Fischnaller, cun in avantatg da 2 tschientavels.
Il Grischun Nevin Galmarini è vegnì eliminà en l'otgavel final.
Tar las dunnas ha la partenaria da Caviezel, la Glarunaisa Ladina Jenny gudagnà il final pitschen cunter la Taliana Nadya Ochner ed è cunquai daventada 3. Gudagnà il slalom gigant parallel a Cortina d'Ampezzo ha la Tscheca Ester Ledecka.
Julie Zogg, che ha gudagnà il slalom gigant parallel a Bannoje è vegnida eliminada en l’otgavel final.
RTR novitads 22:00