Kim Gubser da Tavau po sa legrar. El ha pudì far la medaglia da bronz als campiunadis mundials da freeski ad Aspen en ils Stadis Unids. Gudagnà la concurrenza da Big Air ha il Svedais Oliwer Magnusson avant il Canadais Edouard Therriault.
Per il favurit Andri Ragettli èn ils campiunadis mundials betg ids a fin sco giavischà. Dal terz sigl è el cupitgà e sa blessà. Quant greva che sia blessura è na san ins anc betg. En la rangaziun finala figurescha el sco 6avel.
Tar las dunnas è Sarah Höfflin vegnida 8avla.