En il futur duai il congress da la Federaziun internaziunala da ballape FIFA decider, nua ch’il campiunadi mundial da ballape da las dunnas ha lieu.
Quai vul dir che tut ils 211 commembers da la FIFA duain da princip avair vusch en chapitel.
Questa proposta vegn dal Cussegl da la FIFA ch'ha enfin ussa decidì nua ch’il campiunadi mundial da las dunnas è.
Il president da la FIFA, Gianni Infantino, ha discurrì dad ina decisiun che saja daditg necessaria.
Il congress da la FIFA decida la fin da matg davart la proposta.