YB cumenza la fasa da gruppa da la Championsleague ils 19 da settember a chasa cunter RB Leipzig. Ils 4 d'october dattan ils Young Boys ordaifer cunter Roter Stern Belgrad e duas emnas pli tard fruntan els a chasa sin l'actualmain megliera equipa dal mund, Manchester-City.
Ils emprims dus da la gruppa sa qualifitgeschan per l'8avel final. Il terz dastga dar vinavant en l'Europaleague e per il davos da la gruppa è la stagiun europeica a fin. La pli greva gruppa sin il palpiri è la gruppa F cun Paris Saint Germain, Borussia Dortmund, l'AC Milan e Newcastle United.
YB sa qualifitgescha per la Champions League
En la qualificaziun han ils Bernais han battì a chasa Maccabi Haifa cun 3:0 en il gieu da return. Ils gols han marcà Cédric Itten e Filip Ucrinic, vitiers vegn anc in autogol da Haifa. Betg mo per ils giugaders, er per il trenader Raphael Wicky è in siemi ì en vigur: En l’emprim gieu han YB e Maccabi Haifa dà pari 0:0.
