En l’emprima partida dal mezfinal ha Genevra giugà pari 2:2 cunter il club finlandais Lukko Rauma. Uschia restan las schanzas intactas per Genevra, da pudair far il pass en il final da la Champions Hockey League.
Suenter 29 minutas steva la partida 2:2. Ils gols dal 1:0 als 2:2 èn crudads aifer 4 minutas e mez. La partida è bain restada intensiva, dentant senza ulteriurs gols.
Per la segunda partida l’emna proxima ha Lukko Rauma in avantatg cun il pari. Ed ils Genevrins ston mussar dapli ordaifer. En questa stagiun da la Champions Hockey League han els pers tut las partidas d’ordaifer.