Paucas uras avant ch'il gieu avess cumenzà, è la partida da la Super League tranter il davos da la tabella Turitg e Basilea vegnida stritgada. Lieu avess quella gì en il Letzigrund a Turitg.
La raschun è in test tar in giugader da Basilea, ch'è sa mussà positiv la sonda saira. Sco il FC Basilea ha communitgà sa tracti d'in giugader – che ha trenà regularmain cun l'equipa ils davos dis e che ha uschia gì contact cun ils ulteriurs giugaders dal cader.
Uss sto l'entira equipa sco era las persunas ch'accumpognan quella ir en quarantina, per quant ditg n'è anc betg enconuschent. Cura ch'il gieu spustà vegn ad avair lieu, n'è anc betg fixà.