Il skiunz da Casti Sandro Simonet è per la terza giada campiun svizzer en la cumbinaziun. Il spezialist da slalom ha gudagnà aur al campiunadi svizzer a Zinal. Las medaglias dad argient e bronz èn idas a Joel Lütolf ed a Noël von Grüningen.
Bronz per Stephanie Jenal
Tar las dunnas hai dà bronz en il super-G per la skiunza da Samignun Stephanie Jenal. Campiunessa svizra è Delia Durer e la medaglia d'argient ha gudagnà Priska Nufer.
Tar ils umens è Lars Rösti campiun svizzer en il super-G. Per argient e bronz èn ids Nils Mani e Josua Mettler. Il Sursilvan Carlo Janka è vegnì 5avel.