Per l'emprima giada en sia carriera daventa Justin Murisier campiun svizzer en il super-G. Quai suenter ch'el ha gudagnà il 2010 il titel en la cumbinaziun, ed il 2010, il 2016 ed il 2021 en il slalom gigant. Segund daventa Gino Caviezel e terz Gilles Roulin. Marco Odermatt che ha dominà la stagiun da skis, daventa quart. Beat Feuz n'è betg stà a la partenza.
Corinne Suter triumfescha tar las dunnas
En il super-G da las dunnas gudogna Corinne Suter cun in avantatg da 1,29 secundas sin Jasmina Suter. La medaglia da bronz è ida a Michelle Gisin.