Da cundiziuns pretensiusas cun bischa e plievgia a Bansko en Bulgaria fiss Loïc Meillard sa tschentà en l'emprim percurs dal slalom sin plazza quatter cun 1,04 secundas retard sin Clément Noël da la Frantscha. Cun Daniel Yule sin plazza sis avessan uschia dus Svizzers gì bunas premissas per far il sigl sin il podest.
Ma suenter che 31 atlets èn partids è la cursa vegnida interrutta e la finala annullada pervi da l'aura – plievgia e vista schletta. La cursa na vegn uschia betg quintada.