Campiunadi mundial hockey - Svizra cumenza cun victoria en preparaziun per CM
L'equipa naziunala svizra ha cumenzà la preparaziun per il campiunadi mundial cun ina victoria. Prest 15 mais suenter lur ultim cumbat serius, è il team sa mess tras encunter ils Russ, quai cun 3:1.
La differanza èn ils Svizzers vegnids da far en l'ultim terz. En la 51avla minuta ha Christoph Bertschy purtà l'equipa cun il 2:1 per la segunda giada en avantatg. Curt suenter ha Inti Pestoni sajettà il terz gol en in powerplay. Ils Russ han lura remplazzà il goli cun in sisavel giugader, gia 3 minutas avant la fin. Purtà ad els n'hai la finala nagut.
Sonda fruntan las duas equipas puspè ina sin l'autra, er puspè a Bienna.