Tar sia emprima cursa en il campiunadi mundial da para-sport a Lillehammer è il passlunghist Luca Tavasci vegnì 12avel. Pervi dad in’infecziun da corona aveva il sportist da Samedan stuì ir – curt avant l’emprim punct culminant da questa stagiun – en isolaziun.
Nov campiun mundial sur 20 kilometers stil liber è vegnì il Russ Wladislaw Lekomtsew, ch'ha gudagnà avant 2 cumpatriots. Sonda va Tavasci anc a la partenza dal sprint.