En il segund mezfinal al campiunadi mundial da hockey hai dà ina gronda surpraisa. La Germania, che ha battì la Svizra en il quartfinal, batta ils favurits dals Stadis Unids da l'America en maniera dramatica cun 4:3 suenter prolungaziun. Pir en las 59avla minuta èsi gartegia a Marcel Noebels d'egualisar ed uschia sfurzar la prolungaziun. Là ha lura Frederik Tiffels decis il gieu en la 68avla minuta.
La Lettonia manchenta sensaziun cunter il Canada
Il campiun mundial da record ha battì la Lettonia cun 4:2 en l'emprim mezfinal. Als Lettons è baud gartegiada ina sensaziun, els han manà cun 1:0 e 2:1. Ils Canadais han dentant egualisà duas giadas . Il talent canadais da 18 onns Adam Fantilli ha lura dentant fatg il 3:2 suenter in solo spectacular. Las davosas secundas ha lura Scott Laughton decidì il gieu cun in sajet en il gol vit. L'adversari dal Canada vegn eruì tranter ils Stadis unids e la Germania. Il gieu cumenza a las 17:20.
Il final ha lura lieu dumengia las 19:20.
