Al campiunadi europeic da bob a Sígulda en la Lettonia van Melanie Hasler e Mara Morell per bronz. Hasler e la Grischuna Morell han pudì distanziar las Tudestgas Lisa Buckwitz e Vanessa Mark per 4 tschientavels ed han uschia impedì ina victoria tripla tudestga.
Gudagnà han Laura Nolte/Neele Schuten, avant Kima Kalicki/Anabel Galander. Morell e Hasler èn gia vegnidas segundas a San Murezzan il schaner. En il campiunadi en Lettonia fa er il bob da dus da Michael Vogt e Sandro Michael in bun resultat e po ir per argient.