Nikita Ducarroz ha segirà in'ulteriura medaglia svizra a Tokio. Tar la premiera dal BMX-freestyle a gieus olimpics ha la Genevrina da 24 onns gudagnà bronz. Grazia ad 89,20 puncts en l'emprim run ha Ducarroz dumagnà il sigl tranter las top trais en il final da las nov meglieras.
L'emprima campiunessa olimpica è Charlotte Worthington da la Gronda Britannia cun 97,50 puncts. Argient è ì a la top-favurita Hannah Roberts dals Stadis Unids cun 96,10 puncts.