Billie Jean King Cup - Svizras a la testa dal ranking da naziuns
Las dunnas dal tennis svizras èn da nov las meglras dal mund en il ranking da naziuns. L'equipa enturn Belinda Bencic è a la testa, senza avair dà in gieu. Ellas han surpassà l'Australia.
Legenda:
Belinda Bencic, Viktorija Golubic, Heinz Günthardt, Jil Teichmann e Simona Waltert arrivadas enavos a Turitg suenter lur victoria.
Keystone
Grazia a la victoria en il Billie Jean King Cup era l'equipa dal capitani Heinz Günthardt sa tschentada gia il november da plazza tschintg sin plazza dus. Las Svizras èn qualifitgadas automaticamain per il turnier da final da quest onn.
La Svizra a la testa dal ranking da naziuns – quai n'hai anc mai dà en il tennis. Gnanc l'equipa che ha gudagnà il 2014 il Davis Cup ha dumagnà quai.